Exposiziun speziala "La vulp – maistra da l'adattaziun"
La vulp – ella è furiusa, eleganta ed in dals mammals ils pli derasads dal mund e da la Svizra. Ella populescha in vast spazi da viver, nizzegia quel da las regiuns bassas fin en las muntognas e viva savens en vischinanza directa da l'uman. Sia reputaziun n'è betg adina la meglra – ella è prescritta sco rapinadra d'animals da niz e sco transmettura da malsognas e vegn descritta en bleras paraulas d'uffants sco maligna e nauscha.
Ma la vulp è natiralmain bler dapli che quai. Cumbain ch'i vegn fatg chatscha e cumbattì dapi tschientaners, chattan ins vulps quasi dapertut. Quai è in'expressiun d'ina abilitad da s'adattar e da flexibilitad remartgabla – quai social, ecologic e tge che pertutga ses cumportament. Ils ultims onns ha la perscrutaziun survegnì invistas fascinantas da la biologia da la vulp.
La finamira da noss'exposiziun speziala è da far enconuschent al public la vulp cun sias numerusas fassettas e d'illustrar la relaziun vulp – uman.
L'exposiziun speziala en il Museum da la natira dal Grischun «La vulp – maister da l'adattaziun» po vegnir visitada dals
10 d'avrigl 2025 fin ils 1
8 da schaner 2026. Ils
9 d'avrigl 2025 a las 19.15 vegn l'exposiziun averta cun ina vernissascha publica.