Object dal mais - Rendzina

(Foto: ©Gabriela Brändle)

Terratsch da l'onn 2025: Rendzina

I dat in Terratsch da l'onn? Ma cler! Sco terratsch caractariseschan ins la stresa tranter la crappa sutterana e la surfatscha dalla terra, quai sco p.ex. la terra da plantas en l'era da legums. Da principi sa sviluppescha la terra sche la crappa sa decumpona. Tut tenor crap primar, furma da cuntrada e clima sa furman differents terratschs. En Svizra varieschan las cundiziuns aifer pitschen spazi. Uschia ch'ins chatta divers tips da terratschs.

Il terratsch da l'onn è l'uschenumnada Rendzina. Quella sa sviluppescha ord crap chaltschina. La Rendzina è in terratsch stgir-brin d'arschiglia. Pli fitg en la profunditad chattan ins en il terratsch pli e pli gronds craps da chaltschina. La Rendzina è in terratsch da pauc humus. Tipicamain vegn la Rendzina cultivada sco prà. Quests prads maghers da chaltschina dattan albiert a bleras spezias. Orchideas, luschards taclads e tavauns è mo intgins exempels per questa convivenza multifara.

Il Museum da la natira dal Grischun purtretescha il Terratsch da l'onn aifer l'Object dal mais, mussa in tagl traversal e presenta differentas sorts da prads maghers da chaltschina.