Biblioteca

La biblioteca dal museum da la natira dal Grischun cuntegna litteratura spezialisada davart temas da las scienzas natiralas. Latiers tutgan cudeschs da determinaziun, ovras da survista, publicaziuns singulas e bler auter. Temas centrals èn la zoologia generala, ils vertebrats, l'entomologia, la botanica, las scienzas da la terra ed il territori alpin. L'impurtanza la pli gronda ha la litteratura davart il Grischun e davart las Alps. Ultra da bleras scrittiras istoricas impurtantas chattan ins en nossa biblioteca litteratura spezialisada pli nova e var 60 periodicas. Registradas èn las publicaziuns en il catalog da l'uniun da bibliotecas da la biblioteca chantunala dal Grischun (www.aleph.gr.ch).

La biblioteca è en emprima lingia ina biblioteca da consultaziun per las collavuraturas ed ils collavuraturs dal museum. Ella stat a disposiziun er a scolaras e scolars, a persunas d'instrucziun sco er a persunas che s'interessan generalmain per las scienzas natiralas.

Per la consultaziun publica è la biblioteca averta mintgamai mesemna suentermezdi, da las 14.00 a las 17.00, tenor cunvegna er durant l'ulteriur temp.

Persuna da contact: Lydia Buschauer

-