Zoologia

Dapi la fundaziun dal museum vegnan collecziunads mammals. Spezialmain prezius èn objects singuls da l'urs, dal luf-tscherver, dal luf e dal tschess barbet che documenteschan l'extincziun da questas spezias durant il 19. tschientaner. Er ina nursa tuatschina originala da l'onn 1902 dat perditga d'ina razza svanida. Serias voluminusas da cornas e da cornadiras cumprovan il return dals animals gronds cun ungla. Dapi l'onn 1970 vegnan er rimnads sistematicamain mammals pitschens (ruiders, insectivors, animals da rapina pitschens). Questa collecziun tutga tar las collecziuns las pli grondas da l'entir territori da las Alps. Er las collecziuns da peschs, d'amfibis e da reptils èn remartgablas.

Bleras da las collecziuns d'animals senza spina dorsala (invertebrats) èn pli veglias. Scientificamain fitg impurtantas èn differentas collecziuns dal Parc naziunal u per exempel la collecziun da tgirallas da Hans Thomann sco er la collecziun da lindornas da Johann Peter Otto Wolf. Novas collecziuns vegnan concepidas tranter auter dals avieuls selvadis e da las tgirallas dal di.

QUA arrivais Vus a las collecziuns dal museum da la natira dal Grischun.

Zoologie