Exposiziun speziala "evolution happens!"
Evoluziun – che spezias sa midan cun il temp e che pon sa sviluppar da nov – è in dals fenomens centrals da la natira. E la perscrutaziun scientifica da l'evoluziun è ina da las scuvertas las pli revoluziunaras insuma. Ozendi è la noziun "evoluziun" quotidiana. Ma tge munta la noziun exact? Tge process èn suttamess a quella? E quant ditg cuzza ella?
Il
Museum da la natira dal Grischun dat en la nov'exposiziun speziala "evolution happens!" invistas captivantas en questa tematica fascinanta e mussa: Evoluziun ha lieu permanent, qua ed oz, entamez nus – ed ella po influenzar noss mitgadi.
L'exposiziun, ch'è vegnida elavurada dal Museum zoologic da l'Universitad da Turitg, è da vesair dals
12 da settember 2024 enfin ils
19 da schaner 2025 en il Museum da la natira dal Grischun.
Ils
11 da settember 2024 a las 19.15 vegn l'exposiziun speziala "evolution happens!" averta cun ina
vernissascha publica.
Tut las occurrenzas da l'exposiziun chattais Vus en quest
flyer.