Exposiziun speziala "tick tack – il countdown da la vita"

Dal viver e murir – dal restar giuven e daventar vegl. L’exposiziun speziala «tick tack – il countdown da la vita» sa deditgescha ad ina part da la biodiversitad che n’è betg vesibla sin l’emprima egliada: la diversitad dal vegnir vegl. Petge vegnin nus vegl? Pertge daventan intginas creatiras vegliurdas, durant che autras na survivan strusch in di? Èsi pussaivel dad esser immortal?

L’exposiziun dat resposta a questas ed anc autras dumandas e confida a nus ils secrets da creatiras per part scurrilas. Uschia emprendain nus per exempel ch’il squagl da Grönlanda vegn pir cun 100 onns en la pupertad, u co il ratun niv da sablun damogna da far frunt a tut ils segns da vegliadetgna. L’exposiziun n’animescha betg mo da sa smirvegliar, mabain era da filosofar - perquai ch’ins na chatta betg respostas sin tut las dumandas.

L’exposiziun speziala vegn averta mesemna, ils 4 da mars 2026 a las 19.15 cun ina vernissascha publica. L’exposiziun po vegnir contemplada fin ils 13 da settember en il Museum da la natira dal Grischun.

Infurmaziuns davart las occurrenzas enturn l’exposiziun chattais Vus en quest flyer.