Il museum da la natira dal Grischun tgira vastas collecziuns da la natira dal Grischun e dal territori alpin cunfinant. Quellas cumpiglian plantas, animals, fossils, minerals e crappa – tut en tut circa 300'000 fin 500'000 objects. Las collecziuns las pli veglias han ina vegliadetgna da 220 onns. Autras èn vegnidas preparadas dacurt u vegnan cumplettadas permanentamain. Spezialmain degnas da vegnir menziunadas èn las collecziuns dal Parc naziunal svizzer, las collecziuns da mammals, l'erbari retic e las collecziuns da tgirallas. Las collecziuns pon vegnir utilisadas da scienziadas e scienziads per far retschertgas.
Dapi l'onn 2001 è la fundaziun "collecziun dal museum da la natira dal Grischun" en possess da las collecziuns.
Enconuschais Vus il nov portal cultural dal Grischun?
Da l'urs imposant fin al pitschen misarogn, dal utschè-mezmieur activ da notg fin a la marmotta activa da di, dal pesch fossil fin al quarz da fim elegant: Il nov portal cultural dal Grischun envida da scuvrir online la cultura grischuna dad ier e dad oz. Avain nus sveglià Voss interess? Qua cumenza il viadi d’exploraziun: portacultura.gr.ch