Al plaunterren datti la pussaivladad per inscunters captivants cun ils mammals dal Grischun. Dal misarogn da guaud che paisa 5 grams fin al tschierv che paisa 100 kilograms, da la mustaila, l'animal da rapina il pli pitschen, fin a l'urs brin, l'animal da rapina il pli grond. Er contemplar pon ins il sulet schacal mellen svizzer ch'è exponì en in museum da la natira, ed il renumà "Fridolin", in bastard da chaura e capricorn. Cornas, cornadiras, maguns da remagliaders u bezoaras cumpletteschan ils preparats d'animals. In film mussa, co ch'ins duai sa cumportar envers chauns da protecziun da muntaneras. Las chatschadras ed ils chatschaders pon exercitar da determinar la vegliadetgna da mammals cun unglas pèr, e quai a maun da missellas sut e da cornas.
Al modul per uffants pon noss pitschens giasts tadlar vuschs d'animals, palpar objects, dissegnar e malegiar quels.
Al plaunterren sa chatta la sala per referats, curs ed exposiziuns spezialas.